Skip to content

896 2605

kjartanmagg@gmail.com

Kjartan Magnússon

Frumkvæði, þekking og reynsla

  • Greinar
    • Blaðagreinar
    • Borgarmál
    • Fjölmiðlar
    • Íþróttir
    • Menning
    • Ræskingar
    • Stjórnmál
  • Greinar
    • Blaðagreinar
    • Borgarmál
    • Fjölmiðlar
    • Íþróttir
    • Menning
    • Ræskingar
    • Stjórnmál

Nýju ári heilsað með hressandi sjósundi

janúar 1, 2010nóvember 16, 2010 Kjartan MagnússonBorgarmál, Íþróttir

Sjó›sund og heitur pottur íŒ Nauthó›lsvíŒk

Ég var í hópi þeirra sem heilsuðu nýju ári með hressandi sjósundi í Nauthólsvík í morgun. Áður hef ég nokkrum sinnum tekið sundtökin í íslenskum fjallavötnum eða í sjónum við Ísland að sumarlagi og fundist nóg um kuldann þótt sundið hafi vissulega verið afar hressandi. Ég kveið því svolítið fyrir því að kasta mér til sunds í Nauthólsvík að morgni nýársdags, ekki síst þegar mér var tjáð að sjávarhitinn væri -1,7°C. Þegar út í var komið, fannst mér tilfinningin vera svipuð og að stinga sér í sjóinn að sumarlagi þótt sjórinn hafi auðvitað verið mun kaldari nú. Ef til vill sótti ég styrk í þá vitneskju að strax að loknu sundi, biði mín heitur pottur við þjónustumiðstöð Ylstrandarinnar í Nauthólsvík.

Heiti potturinn á ylströndinni í Nauthólsvík var unaðslegur eftir kulsamt sjósundið.

Að loknu nýárssundi sat ég fjölmennan stofnfund Sjósund- og sjóbaðfélags Reykjavíkur í veitingastaðnum Rúbín í Öskjuhlíð. Aðalmarkmið félagsins er að efla og stuðla að betri aðstöðu til sjósunds og sjóbaða í Nauthólsvík. Benedikt Hjartarson sundkappi er fyrsti formaður félagsins og Árni Þór Árnason varaformaður.

Gagnlegar umræður urðu á stofnfundinum um hagsmunamál félagsins og var þar ýmsum ábendingum komið á framfæri um bætta aðstöðu sem og hugmyndum um framtíðarþróun svæðisins. Í ávarpi fagnaði ég stofnun félagsins og flutti því góðar óskir frá Íþrótta- og tómstundaráði Reykjavíkur, sem sér um rekstur Ylstrandarinnar og þjónustumiðstöðvarinnar þar. Greindi ég frá því að hugmyndir þær, sem komu fram á fundinum, yrðu teknar til umfjöllunar á vettvangi Íþrótta- og tómstundaráðs.

Leiðarkerfi færslu

Fyrri: 40% fjölgun þátttakenda milli ára í Gamlárshlaupi ÍR
Næsta: Miðstöð stuðningsmanna opnuð í dag

Síðustu færslur

  • Kærar þakkir fyrir gott prófkjör
  • Minnkum báknið – Fækkum borgarfulltrúum
  • Ég bið um 2. sæti

Efnisflokkar

  • Blaðagreinar
  • Borgarmál
  • Fjölmiðlar
  • Hverfi
  • Íþróttir
  • Menning
  • Óflokkað
  • Ræskingar
  • Stjórnmál
Kjartan Magnússon í 2. sætið í Reykjavík 2022