Kjartan Magnússon hefur unnið ötullega að ýmsum góðum málum fyrir Vesturbæinga í borgarstjórn. Hér eru nokkur þeirra nefnd. Nú gefst kostur á að nýta víðtæka þekkingu og reynslu Kjartans.
- Umferðaröryggi: Aðgerðir til að auka umferðaröryggi gangandi og hjólandi vegfarenda, m.a. við Hringbraut, Birkimel, Hofsvallagötu, Ægisgötu og Nesveg. Tillögur um að tryggja örugg göngutengsl yfir Hringbraut fyrir skólabörn og aðra óvarða vegfarendur.
- Viðhald skóla: Viðhald og endurbætur á leikskólum og grunnskólum í Vesturbænum.
- Skólamál: Margvíslegar tillögur og aðgerðir til eflingar menntun og skólastarfi.
- Melaskóli: Tillögur um viðbyggingu við Melaskóla enda ljóst að húsnæðisþörf skólans verður ekki leyst til framtíðar án hennar.
- Endurbætur á skólalóðum og lagning sparkvalla með gervigrasi við Melaskóla, Grandaskóla, Hagaskóla, Vesturbæjarskóla og á Stýróvöll við Öldugötu.
- Lagfæringar og endurbætur á opnum leiksvæðum, t.d. við Aflagranda og Hjarðarhaga.
- Aðstöðumál KR. Tillögur um bætta aðstöðu KR vegna mikillar aukningar í barna- og unglingastarfi félagsins. M.a. úrbætur á æfingaaðstöðu við Starhaga, skíðaaðstöðu í Skálafelli, endurnýjun gervigrasvallar KR og útskipting úrgangsdekkjakurls og að félagið annist rekstur íþróttahúss Hagaskóla utan skólatíma.
- Grímsstaðavör. Að tillögu Kjartans var grásleppuskúrunum við Ægisíðu forðað frá hruni og þeir verndaðir.
- Löggæsla: Tillögur í þágu skipulagðrar nágrannavörslu, innbrotsvarna og aðgerðir gegn veggjakroti.